وقت القراءة
اضافة تعليق
قواعد 19 و ارشادات مهمة للمبتدئين في لعبة كمال الاجسام
قواعد الجيم 19
1-مفيش فورمة طبيبعى كامله فى 4 شهور , ده ضرب حقن
2-ماتثقش فى اى حد بيحط "جيل" و هو رايح التمرين
3- الجيم و الwahtsapp زى "مكتب الارشاد" و "المجلس العسكرى" ماينفعش يجتمعوا فى مكان واحد
4- لو هتساعد واحد من اول عدة و تشيله الدمبل و تنزلهوله , ده مش محتاجك ,ده محتاج فليبينية
5- الجوانتى ده تلبسة لو انت "جون" او بنت مابتسلمش على ولاد , ملوش اى علاقة بالجيم
6-لو الجيم فى بنات , لازم تبقى فاهم ان ال Treadmill ديه "ليلة الحنة" ماينفعش ولد يخش يلعب عليها ,بنات بس
7- لو حد قال كلمة "عاش" اكتر من 4 مرات , علم عليه ده لسه جديد
8 - الفنلة "الكت" ماتلبسهاش غير بعد 18 شهر قبل كده انت برص بلدى
9- لو اتمزقت انت ماتحسدتش , انت بتلعب غلط
10 - لو بتلعب بقالك 6 شهور وواحد قلك "انت خاسس ليه هو انت مبطل" , ماتردش عليه اقتله
11- لو بتلعب بنش اقل من100 كيلوا ملكش اى حقوق فى الجيم
12 - فورمة الساحل بتنبدى من شهر 5 , لو روحت بعد كده صيّف فى "الفيوم" او "فايد"
13 - لو وزنك 70 كيلو و بتعمل"ديت" , انت بتعمل فورمة لاعب "بالية ايقاعى"
14- علبة التونة جزء من شخصيتك
15-اشترى كتاب "كيف تبقى فورمة فى 24 ساعة" و ارميه و خش اتمرن
16 - رسميا لقب "وحش" بتاخده بعد اول جهاز تقفله
17 - اللى بيلعب الجهاز بالعكس ده محدث نعمة ولو روحت بيته هتلاقية حاطط نجفة فى الحمام
من رقم 18- اتمرن و ملكش دعوه بفرومة "لازار انجيلوف" ده مش انسان
19- اللى بيلعب الكتاف مع الرجلين , دول اللى قالوا "نعم " للدستور مش فاهمين اى حاجة
0 تعليق:
إرسال تعليق